Jesjiechte

Óp d’r 21^e november 1898 bedaat d’r Oberst Johannes von und zu Paffen, oes ’t wild dörp Haander, ziech dat i Kirchroa nog jet feëlet,  ing sjtadjarde. Wie ’t in die tsiet flot jóng, woeëd dat  idee umjezatsd in inne verain; De Kling Kirchröatsjer Sjtadjarde Anno 1898. In de ieëtsjte joare jrui-et d’r verain al wus. Oes deë klinge verain woeëd inne verain deë i 1912 óp ’t Kuttele Rafe i Óche mit 29 mitjlieder vertroane woar. Doe houwe zie i 1909 ‘t 11 joarieg besjtoa jevierd. Dat passeret i Haander in de Baalsbrugger Mulle. I 1914 joof ’t d’r ieëtsjte teëjesjlaag. D’r krig brooch oes. Veer joar lank joof ’t wennieg fester tse viere. Dat kroog de Kling Kirchröatsjer Sjtadjarde evvel nit kling. Waal woare zie i 1918 nog mar mit tswai man, evvel wie d’r Johannes von und zu Paffen doe al zaat; “went me ’t klinge nit iert, is me ’t jroeëse nit weëd.” Ing zagenswies die ’t sjpieëder ezoeë jaar bis in d’r dieksiejoneer  van ’t Hollendsj hat braad.

I 1936 vóng i Kirchroa inne richtie-je Vasteloavendsverain vuur jants Kirchroa aa, d’r Kirchröatsjer Vasteloavendsverain Alaaf Kirchroa 1936. Dat woar vuur de damalie-je mitjelieder reë um de Kling nui leëve i tse bloaze. Vasteloavend woeëd i Kirchroa en doamit i Haander werm jroeës jesjrève. Zietsónge, bónkte oavende en inne sjtadsprins brate Kirchroa dat wat bis die tsiet alling óp Haander tse vinge woar; richtieje Kirchröatsjer Vasteloavend.

Bis an d’r tswaide Weltkrig woar doadurch d’r verain werm jet jejruit, evvel i 1940 woar ‘t werm vuur e paar joar sjloes mit de sjpas. Noa d’r krig wool d’r damalieje vuursjtand van de Kling jeer ordens oesjeëve, evvel ’t joof tse wennieg materiejaal um ordens va tse maache. ’t Joof waal jenóg kneuf. Doa woeëd d’r knoofs-orde va jemaat. Inne knoof deë bringt nemliech wermde wail heë klei-jaasj bei-ee bringt, inne knoof deë bringt links en reëts bei-ee, inne knoof deë bringt vrundsjaf. Mit deë knoofsorde jonge de mitjlieder werm vasteloavend viere. I 1945 nog alling i Kirchroa, evvel i 1946 woeëd vanoes Haander och Óche werm bezoeëd. Nit jiddere Dütsj woar sjliesliech vuursjtänder jeweë va d’r krig.

I 1953 woar werm e bezónger fès tse viere, ‘t 55 joarieg joebielejoem sjtóng vuur de duur. Alles sjtóng loog en hóng veëdieg wie i Zeeland ’t wasser ’t Hollendsj eri koam. Jouwe road woar duur. ’t Fès durg losse joa woar nit meugliech. Nit alling de ieëlend bij de lü die oes hön hoes moeëte, evvel och wasser in d’r kelder van ’t verainslokaal. Wie mennieg fès woeëd ’t zieër vuchtieg, evvel dis kier op ing sjpetsiejel aad en wies.

Wie bezóngesj  dat hü tsem daags óch liecht, noa dat joebielejoem woeëd ’t rui-jieg rónk de Kling Kirchröatsjer Sjtadjarde Anno 1898. De tsaal aa mitjelieder lofet jidder joar tseruk, bis an d’r momang dat i 1998, 100 joar noadat d’r Johannes von und zu Paffen woar aajevange, d’r Paffens John mitjelied van de Kling woeëd. Heë trók ee paar joar alling dróp oes, bis dat i 2002 d’r Charliers Marc ziech aameldet als novies. Noa dat noeviesejoar besjtóng de jarde vanaaf d'r 6e joenie 2003 werm oes tswai mitjelieder. Doamit is De Kling inne van de wennie-je veraine die mit 100% i-sjtimmoeng van de mitjlieder, in ing kieër mit 100% zunt je-jruid. Dat jevool die tswai ezoeë jód, dat zie de sjtatute hant je-endert en doa dri hant ópjenoame, dat de Kling vanaaf 2003 richtieg kling weëd en bliet. Zie hant vas-jelaat dat de Kling oes nit mieë wie tswai mitjlieder kan en darf besjtoa. In dat joar woeët de Kling óch mitjelied van de FEG, de Federatie Euregionale Jardes. De FEG jieëft jiddes joar de orjaniesatsiejoeën van ’t Jardetreffe oes. E bezónger fès, jeboare i Broenssem en doanoa durch de jantse Euregio jetrokke. Ezoeë Jardetreffe trukt nit alling doezende jardiste, evvel och tséng-doezende bezukkere van d’r Jardetsóg.

E paar joar jelei-je zunt de Vrung van de Kling Kirchröatsjer Sjtadjarde Anno 1898 in ’t leëve jeróffe. Ós Hoeëgheed, Marcel II (Mahr), d’r In de Braeks Jo oes ‘t 36er Regiment en ex sjtadsprins Jerome Willms zunt deë verain aajevange. D’r wiechtiegste tswek van de Vrung KKS1898 is um jeld bij-ee tse sjpare vuur ‘t 111-jöarieg joebielejoem. Doaneëver weëd evvel jiddes joar vöal orjanieseert doamit dat de (óngertussje 77) mitjlieder ziech zient en jemuutliech ee kanne drinke. Ezoeëjaar in d’r zommer jieëft ’t e fès van de Vrung KKS1898, ’t sjutsefès dat tradietsiejoeënsjewies op de sjutsewei óp Haander weëd jehoade. Amterender sjutsekunnik van de Vrung KKS1898 is Sjtadsprins 2009, d’r Mahr’s Marcel.

’t Verainslokaal van de Kling (en van de Vrung) is Louis café óp d’r Maat. Doa weëd al minnieg joar óp d’r 10^e oktober ing talentejach en oafe buun vuur vasteloavendstalent jehoade; “d’r 10^e van d’r 10^e”. D’r sjpetsiejelle tswek van deë oavend is ’t um kling vasteloavendjroeppe (nit mieë wie vunnef mitjlieder), artieste en buuttereednere ing meugliegheet tse jeëve um hönne óptritt tse verzukke. D’r 10^e van d’r 10^e hat al e paar nui vasteloavendsartieste jehólpe um wieër tse kome. De jonge van de Kirchröadsjer Sjpas Express sjtónge bij d’r 10^e van d’r 10^e de ieëtsjte kieër óp de buun en hant inne mond sjpieëder de Kirchröadsjer Sjlajerparade jewonne. Evvel óch July en de Muppe oes Gebrook hant de hatser van ’t poebliekoem jeklauwd.

Wail de Kling hoffet i 2009 ‘t 111-joarieg joebielejoem tse viere, houwe zie ziech kandidaat jesjteld um dat Jardetreffe i 2009 noa Kirchroa tse hoale. Laider (vuur de Kling) kroog de Jarde oes Mönchengladbach mit ing sjtem mieë die orjaniesatsiejoeën tsouwjeweëze. Dat kroog de Kling nit kling. I 2011 darve zie dat Jardetreffe i Kirchroa orjaniesere, ezoeë woeëd op d’r 22^e meëts 2008 in de FEG besjloase. Mit alle sjtemme van de anwesende jardes jóng ’t Jardetreffe óp d’r 20^e fibberwaar 2011 noa Kirchroa.